ជញ្ជាំងខ័ណ្ឌPVC

ជញ្ជាំងខ័ណ្ឌPVC ដែលអាចបត់បែនបានត្រូវបានប្រើដើម្បីបែងចែកតំបន់ការងារនិងបន្ទប់ដាច់ដោយឡែក។ វាអាចជំនួសជញ្ជាំងខ័ណ្ឌធម្មតា។ ផ្លាស្ទិច PVC ដែលមានលក្ខណៈសម្បត្តិទន់ និងអាចបត់បែនបានជួយកំណត់ហានិភ័យដែលបណ្តាលមកពីការបែកបាក់ សន្សំសំចៃថ្លៃថែទាំ និងសន្សំសំចៃថ្លៃពលកម្ម។ ប្រសិទ្ធភាពខ្ពស់ក្នុងការពារការបាត់បង់សីតុណ្ហភាព និងការពារសត្វល្អិត។

1. តើជញ្ជាំងខ័ណ្ឌPVC គឺជាអ្វី?

ស្រដៀងគ្នាទៅនឹងជញ្ជាំងកញ្ចក់, ជញ្ជាំងឥដ្ឋ, ជញ្ជាំងឈើ ជញ្ជាំងខ័ណ្ឌPVCគឺជាប្រភេទមួយនៃជញ្ជាំងខ័ណ្ឌដែលតែងតែត្រូវបានគេយកទៅប្រើប្រាស់។ដែលជញ្ជាំងខ័ណ្ឌPVCត្រូវបានផលិតចេញពីវត្ថុធាតុទន់ និងអាចបត់បែនបានជាមួយនឹងភាពបត់បែនដ៏ល្អ… ដែលជាផ្លាស្ទិច PVC ដែលអាចបត់បែនបាន។

ដុំរមូលផ្លាស្ទិច PVC ដ៏ធំដែលមានកម្រាស់ផ្សេងៗគ្នាត្រូវបានកាត់ទៅតាមទំហំដែលត្រូវការ បន្ទាប់មកពួកវាត្រូវបានភ្ជាប់លើគ្រឿងបង្គុំដែលបានពង្រឹងនៅទីតាំងដែលត្រូវការជញ្ជាំងខ័ណ្ឌ។

ជញ្ជាំងខ័ណ្ឌPVC ត្រូវបានគេប្រើជាទូទៅនៅក្នុងរោងចក្រ ឃ្លាំង រោងចក្រ…

2. ការប្រើប្រាស់ជញ្ជាំងខ័ណ្ឌPVC

2.1 បែងចែកតំបន់ និងបង្កើតបន្ទប់ដាច់ដោយឡែក

ប្រើ PVC ដែលអាចបត់បែនបានជាជញ្ជាំងខ័ណ្ឌបែងចែកតំបន់ និងបង្កើតបន្ទប់ដាច់ដោយឡែកវាក៏ស្រដៀងទៅនឹងជញ្ជាំងខ័ណ្ឌប្រភេទផ្សេងទៀតផងដែរ។ បុន្តែ ជញ្ជាំងប្រភេទនេះមានភាពយឺត ស្វិតមាំខុសពីជញ្ជាំងខ័ណ្ឌប្រភេទផ្សេង។

2.2 ការពារការបាត់បង់សីតុណ្ហភាព ការពារសត្វល្អិត និងធូលី

ជញ្ជាំងខ័ណ្ឌ​ PVC បង្កើតតំបន់ដាច់ដោយឡែកដែលអាចបំពាក់ដោយម៉ាស៊ីនត្រជាក់បាន។ ជញ្ជាំងខ័ណ្ឌ​ PVC ជួយការពារការបាត់បង់សីតុណ្ហភាព អត្រាផ្ទេរកំដៅទាប និងការពារសត្វល្អិត និងកខ្វក់ពីខាងក្រៅមិនឱ្យជ្រាបចូលខាងក្នុង។

2.3 មិនជ្រាបទឹក

ផ្លាស្ទិក PVC អាចបត់បែនបាននិងមិនជ្រាបទឹក ដូចនេះជញ្ជាំងខ័ណ្ឌ​ PVC ក៏មានមុខងារការពារជម្រាបទឹក ដែលប្រើជាទូទៅនៅក្នុងតំបន់កែច្នៃអាហារសមុទ្រ បន្ទប់លាបពណ៌ យានដ្ឋានលាងរថយន្ត …

2.4 ការការពារសំឡេង

ជញ្ជាំងខ័ណ្ឌ PVC ក៏មាននូវលក្ខណៈពិសេសដូចជា ទប់ខ្យល់,​ ការពារសំលេង, អ៊ីសូឡង់បន្ថយកំដៅ, និងកាត់បន្ថយសំលេងរំខាន។ ជញ្ជាំងខ័ណ្ឌ PVC អាចត្រូវបានប្រើដើម្បីការពារសំលេងរំខាននៃគ្រឿងម៉ាស៊ីននៅក្នុងរោងចក្រផលិត។
3. អត្ថប្រយោជន៍

3.1 មិនចាំបាច់ព្រួយបារម្ភអំពីហានិភ័យនៅពេលមានការប៉ះទង្គិចកើតឡើង

​សំរាប់​ជញ្ជាំង​កញ្ចក់ ពេល​មាន​ឧបទ្ទវហេតុ​កើតឡើង វា​នឹង​បែក​ជា​បំណែក​តូចៗ ដែលអាចបង្ក​គ្រោះថ្នាក់​ដល់​អ្នកជុំវិញ និង​ធ្លាក់​ចូល​ផលិតផលដែលបង្ករជាផលប៉ះពាល់ទៅលើគុណភាពផលិតផល។ ផ្លាស្ទិច PVC ដែលអាចបត់បែនបានមានទំហំធំ ជាមួយការអ៊ុតភ្ជាប់ដោយតាមតម្រូវការ។ នៅពេលដែលមានឧបទ្ទវហេតុមួយ PVC នឹងគ្រាន់តែរហែកមិនបំបែកជាបំណែក។ មានសុវត្ថិភាពទាំងស្រុងសម្រាប់ទីតាំងការងាររបស់អ្នក។

PVC ក៏មានភាពបត់បែនល្អ និងធន់នឹងផលប៉ះពាល់ផងដែរ។

3.2 មើលឃើញច្បាស់ ងាយស្រួលសង្កេត

PVC ដែលអាចបត់បែនបាន មើលឃើញច្បាស់ ងាយស្រួលក្នុងការសង្កេតមើលសកម្មភាពផលិតកម្មនៅខាងក្នុង។

3.3 សន្សំការចំណាយលើការថែទាំ

ដោយសារតែអ្នកមិនចាំបាច់ព្រួយបារម្ភអំពីហានិភ័យនៃការប៉ះទង្គិចគ្នា ជញ្ជាំងខ័ណ្ឌPVC ជួយអ្នកសន្សំលើការចំណាយលើការថែទាំធម្មតា។ កម្មកររបស់អ្នកមិនចាំបាច់ពិនិត្យវាញឹកញាប់ដូចជញ្ជាំងកញ្ចក់ទេ។

3.4 ងាយស្រួលក្នុងការរុះរើ ផ្លាស់ប្តូរទីតាំង និងជួសជុល

PVC ដែលអាចបត់បែនបានមានទម្ងន់ស្រាល មិនខូចកំឡុងពេលរុះរើ ឬផ្លាស់ប្តូរទីតាំង ហើយមិនប៉ះពាល់ដល់គ្រឿងដែលមានស្រាប់របស់រោងចក្រនោះទេ។

3.5 ភាពធន់ខ្ពស់

នៅក្រោមលក្ខខណ្ឌសីតុណ្ហភាពធម្មតា ផ្លាស្ទិច PVC មានភាពធន់រហូតដល់ 5-7 ឆ្នាំ។

4. ប្រភេទនៃ PVC ប្រើដើម្បីបង្កើតជញ្ជាំងខ័ណ្ឌPVC និងមុខងារប្រើប្រាស់របស់វា

4.1 PVC ពណ៌សថ្លា

ដុំរមូល PVC ផ្ទាំងធំ, ពណ៌សថ្លា, ជាមួយភាពសំបូរបែបនៃកម្រាស់។ នេះគឺជាប្រភេទ PVC ដែលប្រើជាទូទៅបំផុតជាមួយនឹងតម្លៃល្អបំផុត។

4.2 PVC​ Pattern

ដុំរមូលប្លាស្ទិក PVC ផ្ទាំងធំពណ៌ថ្លា ជាមួយនឹងរូបផ្ការឺកាឌីហ្សាញផ្សេងៗនៅលើផ្ទៃផ្លាស្ទិច។ ប្រភេទ PVC នេះត្រូវបានប្រើដើម្បីបង្កើតជញ្ជាំងខ័ណ្ឌ​ PVC ដែលអាចបត់បែនបាននៅក្នុងតំបន់ដែលត្រូវការសោភ័ណ្ឌភាព។
4.3 PVC ការពារការឆ្លងចរន្ត

ជាប្រភេទ PVC ពិសេសដែលមានលក្ខណៈសម្បត្តិប្រឆាំងនឹងការឆ្លងចរន្តលើផ្ទៃផ្លាស្ទិច និងការពារធូលី។ វាត្រូវបានតម្រូវឱ្យប្រើនៅក្នុងរោងចក្រផលិតគ្រឿងបន្លាស់អេឡិចត្រូនិចនៅក្នុងបរិស្ថានប្រឆាំងនឹងការឆ្លងចរន្ត។

4.4 PVCមានសរសៃpolyesterពង្រឹង

ប្រភេទ PVC ដែលអាចបត់បែនបានរួមបញ្ចូលគ្នាជាមួយសរសៃ polyester បង្កើនភាពធន់ និងសមត្ថភាពប្រឆាំងទៅនឹងកំលាំងប៉ះទង្គិចខ្ពស់នៃជញ្ជាំងខ័ណ្ឌ PVC ។

5. ប្រភេទនៃជញ្ជាំងខ័ណ្ឌPVC

5.1 ភ្ជាប់ទៅនឹងទីតាំង

ចាប់ភ្ជាប់យ៉ាងរឹងមាំនៅក្នុងទីតាំងមួយ។

5.2 អាចចល័តបាន

រួមបញ្ចូលគ្នាជាមួយកង់ មានសមត្ថភាពអាចចល័តបត់បែនបាន។

5.3 ព្យួរពីលើ

រួមបញ្ចូលគ្នាជាមួយជញ្ជាំងខ័ណ្ឌដែល មានស្រាប់នៅជាប់ដី ជញ្ជាំងខ័ណ្ឌ PVC ក៏អាចដំឡើងបាន ពីលើជញ្ជាំងដែលមានស្រាប់ដល់ពិដាន។